Search Results

25.08.2022 tarixli Memorandum Azərbaycan Pərakəndə Geyim İdxalçıları Assosiasiyasının sədri Fərid Novruzi və Azərbaycan Nəqliyyat Ekspeditor şirkətləri Assosiasiyasının sədri Kamran Həbibov tərəfindən imzalandı. Görüş zamanı, ilk olaraq hər iki Assosasiyanın fəaliyyəti haqqında qarşı tərəflərə məlumat verildi. Azərbaycan Nəqliyyat Ekspeditor Şirkətləri Assosiasiyasının sədri Kamran Həbibov Assosasiyanın 30 iyun 2021 ci ildən rəsmi fəaliyyət göstərdiyini qeyd etdi. Assosasiya üzvlərinin Azərbaycanda yerli və beynəlxalq müstəvidə logistika sahəsində öz sözünü demiş şirkətlər olduğu vurğuladı. Assosiasiya sədrləri, üzvlərini narahat edən bir sıra məsələlər və onların həlli istiqamətləri haqqında müzakirələrin aparılması, idxal zamanı şirkətlərin rastlaşdığı sərhəd keçid, gömrük rəsmiləşmə, sertifikatlaşma və sair proseslərin asanlaşdırılması, bu məqsədlə müvafiq dövlət orqanlarına birgə hazırlanan müraciət və təkliflərin təqdim edilməsi üçün razılığa gəldilər. Eləcə də, Assosasiya üzvləri arasında tərəfdaşlığın inkişafı üçün məlumat və təcrübə mübadiləsi haqqında razılığa gəldilər. Bu məqsədlə, təchizat zəncirlərinin optimallaşdırılması, malların saxlanma və paylanmanın effektiv həllini təmin edən logistika və pərakəndə satış sahəsində müasir rəqəmsal sistemlərin tətbiqi, beynəlxalq ekspertləri cəlb edərək hər iki sahənin inkişafına doğru yönəlmiş addımlar atmağa anlaşdılar.

17 oktyabr 2022-ci il tarixində Azərbaycan Nəqliyyat Ekspeditor şirkətləöri Assosasiası ilə Geyim İdxalçıları Assoasiyası arasında Assasoasiya üzvlərinin iştirakı ilə genişmiqyaslı görüş keçirildi. Görüşdə idxalçıları narahat edən məsələlər müzakirə olundu və onların həlli yolları araşdırıldı. İdxalçıları narahat edən məsələlər arasında idxal rüsumlarının geri qaytarılmaması,sərhəddə olan fiziki yoxlamalar,növbələrlə bağlı yaranan gecikmələr,online ticarət zəmanəsində rastlaşdıqları problemlərin olduğu aydınlaşdırıldı. Saxta mallar və boz idxalla bağlı mübarizə mexanizmləri araşdırıldı. Azərbaycanın regionda ticarət hub-ina çevrilməsi üçün böyük potensiala malik olması , həm tranzit ticarətində, həm idxal prosesində gömrük nəzarəti altında müvəqqəti saxlanc anbarlarının yaradılmasına olan ehtiyac xüsusi vurgulandı. Eləcə də, xarici ölkələrin təcrübəsindən yararlanaraq idxal zamanı ƏDV-nin differensiallaşdırılması haqqında müzakirələr aparıldı. Nəqliyyat Ekspeditor Şirkətləri Assosiasiyası üzvləri isə öz tərəflərindən qeyd olunan məsələlərlə bağlı müvafiq mexanizmlərin araşdırılması ilə bağlı işlərin görülücəyi haqqında məlumat verdilər. Görüşün sonunda hər iki Assosiasiya üzvləri birgə fəaliyyətin genişləndirilməsi, eləcə də, aidiyyatı dövlət qurumlarına mövcud problemlərin aradan qaldırılması üçün birgə təkliflərin hazırlanması haqqında razılığa gəldilər.